Um tú hevur havt inntøkur frá útlandinum, herundir Føroyum, skulu hesar inntøkur uppgevast til SKAT.
Ársuppgerðin er tilrættað tann einkulta skattaborgaran, og tí hava ikki øll atgongd til teigar viðvíkjandi ‘Udenlandsk indkomst’. Um tú ikki hevur atgongd til teigarnar, skalt tú seta teg í samband við Skat, sum so gevur atgongd.
Um tú hevur rætt til føroyafrádrátt, kanst tú brúka frádráttin til tína útlendsku inntøku, men tað ber ikki til seta føroyafrádráttin inn undir útlendska inntøku. Tú skalt fyrst uppgeva inntøkuna og síðani skriva ein teldupost til Skat gjøgnum skattamappuna undir “Kontakt”. Har skalt tú greiða frá, at tú hevur uppgivið útlendska inntøku, at tú hevur fingið játtað “Gæstestuderendefradrag/Rigsfællesskabsfradrag” og ynskir at fáa frádráttin til tína útlendsku inntøku.
Um tú hevur arbeitt í Danmark fyri føroyskan arbeiðgevara, skal inntøkan uppgevast undir “udenlandsk indkomst” – “Andre udenlandske indkomster” sí her
Her er ein vegleiðing til hvussu tú upplýsir Skat um inntøka forvunna uttanlands/ í Føroyum
Fyrivarni: Av tí at teigarnir eru tilrættaðir tann einstaka skattaborgaran kann raðfylgjan og spurningar víkja frá vegleiðingini.
> Rita inn á skat.dk
> Vel ‘Ret årsopgørelse / oplysningsskemaet
> Leita eftir ‘Udenlandsk indkomst’ niðast
> Og síðan ‘Udenlandsk indkomst – tjent i udlandet‘
>Vel ‘Udenlandsk lønindkomst’ og trýst á lummaroknaran
Síðani skalt tú svara ymiskum spurningum viðvíkjandi inntøkuni
>Vel teigarnar, sum passa til tína støðu
>Vel land og svara næstu spurningunum
Her er eitt dømi, tá talan er um privatan arbeiðsgevara
> Set lønarinntøkuna í teig 404 og um tú hevur goldið skatt í Føroyum, setir tú goldna skattin í teig 495L
Teigur 495L kemur vanliga ikki fram um talan er um ‘offentlig arbejdsgiver’, tá er ikki neyðugt at upplýsa goldnan skatt
>Trýst á ‘Gem’
Síðan kemur eitt yvirlit yvir tínar rættingar
>Trýst á ‘Godkend’
Nýggja ársuppgerðin verður víst ella fær man boð um at Skat fyrst skal góðtaka broytingarnar