Ráðgevingin fyri føroyingar í Danmark

Í samband við viðgerð uttanlands syrgir Føroyska sjúkrahúsverkið fyri, at tú fært eitt danskt persónnummar, og setir seg í samband við teg um hetta innan fráferð. Hevur tú havt danskt persónnummar áður, so ger vart við tað, tí so fært tú somu tøl aftur.

Tá tú hevur eitt CPR.nr. ber til at fáa atgongd til tína journal umvegis www.sundhed.dk  ella Min Sundhedsplatform , men innritan krevur eitt NemID. Hetta mást tú sjálv/ur fáa til vega umvegis Ríkisumboðið í Føroyum ella Borgerservice í Danmark.

NemId umvegis Ríkisumboðið. Tú skalt møta persónliga og bestilla tíð áðrenn, sí nærri HER

NemId umvegis Borgerservice. Tú skalt møta persónliga og bestilla tíð á Borgerservice í býnum har viðgerðin fer fram. Tú skal hava danskt pass við røttum CPR.nr. á, ella annað ID dokument við, sum hevur danskt CPR-nr. á. Neyðugt er eisini at hava onkran við sum vitni, sum eisini skal hava ID pappír við, sum hevur CPR-nr. á og viðkomandi skal hava havt NemId í minsta lagi í 3 mdr.