Her finnur tú kunning um ymisk viðurskifti í samband við sjúku
- Ráðgeving fyri sjúklingar
- Viðgerð í Danmark
- CPR-nr. og NemID til sjúklingar í viðgerð í Danmark
- Heilivágur
- Kærumøguleikar um viðgerð í heilsuverkinum
- Læknahjálp í.s.v. fyrbils upphald í DK/FO
Ein ofta settur spurningur til Ráðgevingina er, hví skattur fer av inntøkuni, hóast man hevur fingið góðkent føroyafrádrátt.![]()
![]()
Orsøkin er, at tá tú fært føroyafrádrátt verður hann lagdur afturat persónsfrádráttinum á tínum høvuðskorti. Høvuðskortið kann bara brúkast eitt stað og verður vanliga brúkt til SU. Um frádrátturin á høvuðskortinum er hægri enn SU, verður ongin skattur tikin av SU, meðan vanligur skattur verður tikin av lønarinntøkuni. ![]()
![]()
Um tú hevur goldið ov nógvan skatt, verður tað javnað í samband við ársuppgerðina.
Hernaðarskylda![]()
![]()
Sambært Værnepligtsloven § 1 stk. 3 kunnu føroyingar søkja um undantøku frá hernaðarskyldu.![]()
![]()
Aftaná flyting úr Føroyum til Danmarkar fáa mannfólk eitt bræv viðvíkjandi hernaðarskyldu. Innkalling til “Forsvarets dag”, har tað verður upplýst, at møguleiki er fyri undantøku um tú hevur búð í Føroyum í minsta lagi 10 ár. Tú skalt søkja um undantøku í seinasta lagi 4 vikur aftaná tú ert innkallaður til “Forsvarets dag”.![]()
![]()
Tú skalt skjalprógva, at tú hevur búð í minsta lagi 10 ár í Føroyum. Tú kanst venda tær til kommununa í Føroyum og fáa útskrift av bústaðarskrásetingini ella biða um bústaðarváttan á Vangin.fo![]()
![]()
Nærri upplýsningar um Forsvaret eru at finna á heimasíðuni:![]()
![]()
www.forsvaretsuddannelser.dk![]()
![]()
Umsókn um frítøku fyri hernaðarskyldu í Danmark:![]()
![]()
Leinkja til umsóknarblað![]()
![]()
Tú skalt logga á við Nemid og velja “Ansøgningskema om fritagelse for for værnepligt i Danmark (Færøerne)”.
JÓLAAFTAN Í FØROYAHÚSINUM![]()
![]()
Vit hava í hyggju at halda jólaaftan í Føroyahúsinum í ár, um undirtøkan verður nóg stór.![]()
![]()
Ætlanin er at hittast í húsinum kl. 15.30. Síðan fara tey, ið eru áhugaði saman til jólaguðstænastu í kirkju í grannalagnum, meðan køksfólkið ger døgverðan liðnan. Til ber eisini at koma kl. 17.00 um hetta hóskar betur. ![]()
![]()
Afturkomin í húsið, verður borðreitt við jóladøgverða, dunnu og fleskasteik við tilhoyri kl. 17.30. Omaná verður rís a la mande, kaffi og te. Afturvið matinum verður bjóðað eitt glas av víni, ein øl ella ein sodavatn til hvønn veðra.![]()
![]()
Eftir matin verður jólasangur, pakkaspæl osfr. ![]()
![]()
Neyvari skrá kemur seinni, tá vit hava yvirlit yvir, hvussu nógv, ella nóg nógv, teknað seg til jólaaftanshaldið. ![]()
![]()
Við jólaaftanstiltakinum ynskja vit at øll, ið hava hug til tess, fáa møguleika at savnast og halda jól saman í hugnaligum umstøðum og í góðum selskapi.![]()
![]()
Um tú er áhugað/ur í at halda jól saman við okkum í Føroyahúsinum, skriva ein teldupost til Info@fohus.dk ella ring á 28 35 33 07. Merk t-postin: Jólaaftan. ![]()
![]()
Kostnaður: 75 kr pr persón fyri matin + eina drekkivøru afturvið matinum. Børn undir 14 ár, ókeypis.
14. septembur vóru vit á ráðstevnu um børn sum avvarandi. Spennandi og týðandi ráðstevna um hví tað er umráðandi at børn, sum hava álvarsliga sjúk foreldur ella syskin, fáa hjálp.