Fyri børn undir 18 ár verður útgoldin ein skattafrí barnafamiljuveiting, nevnd “børne- og ungeydelse” hvønn ársfjórðing.

Upphæddirnar pr. 01.01.2024 eru hesar:

0 –  2 ár:  5.124 kr.
3 –  6 ár:  4.056 kr.
7 – 14 ár:  3.192 kr.
15 – 17 ár:  1.064 kr. pr. mánaða

Hetta ískoytið skal ikki søkjast. Ískoytið verður útgoldið:

20. jan. – 20. apr. – 20. juli og 20. okt.

Um tú hevur inntøku yvir kr. 882.700,- (2024) verður upphæddin sett niður við 2 % av tí upphæddini sum fer uppum kr. 882.700,- (topskattagrundarlagið 2024).

Ískoytið er treytað av fullari skattskyldu í Danmark. Tú skalt skjalprógva, at tú lýkur bústaðartreytirnar, nevniliga at tú hevur havt bústað ella arbeiði í danska ríkinum í minsta lagi 6 ár innan fyri tey seinastu 10 árini. Hettar kann skjalprógvast við einum búðstaðaryvirliti frá kommununi í Føroyum.

Um tú lýkur treyturnar, fært tú veitingina ársfjórðingin aftaná, at tú ert flutt/ur til Danmarkar.