Ráðgevingin fyri føroyingar í Danmark veitir ráðgeving og vegleiðing til føroyskar sjúklingar og avvarðandi teirra.

Endamálið við ráðgevingartænastuni er, at ráðgeva og vegleiða sjúklingum og teirra avvarðandi í sosialum og persónligum spurningum.  Sjúka kann elva til ótryggleika og fáa sosialar avleiðingar. Okkara vitan og royndir vísa, at umráðandi er at avdúka trupulleikar og tørv so tíðliga sum møguligt, soleiðis at neyðug hjálp kann setast í verk.

Í Ráðgevingini arbeiða tveir royndir sosialráðgevar

Vit kunnu: 

• Ráðgeva og vegleiða í persónligum og sosialum spurningum
• Upplýsa um rættindi
• Hjálpa við umsóknum
• Virka sum sambindingarlið millum teg, myndugleikar og stovnar
• Stuðla við samrøðu
• Koma á sjúkrahúsið til innlagdar sjúklingar

Ein sosialráðgevi frá Ráðgevingini er at hitta á Sjúklingahotellinum Tórshavn, Venøgade 8, 2100 Østerbro, tlf. 77 33 64 64, hvønn týsdag millum 10.00 og 15.30.

Møguleiki er fyri felagssamrøðu við sosialráðgeva og sjúkrarøktarfrøðing til sjúklingar har sjúkuforløbið er langt og/ella komplekst og til barnafamiljur. Felagssamrøða gevur høvi til at tosa um sjúkuna og seta spurningar, koma rundan um sjúkuforløbið, sosialu støðuna og stuðulsmøguleikar.

Tit eru eisini vælkomin at venda tykkum til skrivstovuna hjá Ráðgevingini á Sendistovu Føroya, Strandgade 91, 4., 1401 København K, mánadag, týsdag og hósdag 11.30 – 15.30 og mikudag 13.00 – 17.00.

Faldari:  Ráðgeving og vegleiðing til sjúklingar og avvarðandi