Um tú býrt og arbeiðir í Danmark og fær løn frá einum føroyskum arbeiðsgevara, skal lønin skattast í Danmark.

Tú skalt boða TAKS frá, at tú arbeiðir í Danmark og fær løn úr Føroyum. Tú verður skrásett/ur hjá TAKS, soleiðis at tú ikki betalir skatt av inntøkuni í Føroyum.

Inntøkan skal uppgevast og skattast í Danmark. Um tú lýkur treytirnar fyri føroyafrádrátti, kanst tú fáa føroyafrádrátt til hesa inntøku.

Ársuppgerð

Inntøkan skal uppgevast undir “Udenlandsk indkomst”

Tú kanst fylgja leiðbeiningini Inntøkur uttanlands og ársuppgerð 2019

men tú skalt velja “Andre udenlandske indkomster”

Vel “Andre udenlandske indkomster” og trýst á lummaroknaran

Set inntøkuna í teig 1015 og “Gem” og yvirlit yvir broytingar kemur fram

Trýst á “Godkend”

Arbeiði í Føroyum

Um tú arbeiðir í Føroyum t.d. í summarferiuni, skalt tú boða TAKS frá hesum, tí inntøka fyri arbeiði í Føroyum er skattskyldug í Føroyum.

Inntøkan fyri arbeiði í Føroyum skal eisini uppgevast í Danmark. SKAT gevur eitt niðurslag í útroknaða skattinum fyri goldnan skatt í Føroyum. Tú kanst eisini fáa føroyafrádrátt til hesa inntøku.

Somu reglur eru galdandi, um tú hevur varðveitt fulla skattskyldu í Føroyum.