Søkjast kann um barnaansingarpláss, tá tú ert flutt/ur í danska kommunu. Bíðilistar eru, og tað gongur eftir, nær barnið er uppskrivað til stovnspláss.
Flestu kommunur hava “plássgaranti”. Í nøkrum kommunum ber til at søkja um ansingarpláss áðrenn tú ert flutt/ur, men tú skalt tá kunna vísa á nær tú flytir og til hvørja adressu, til dømis ein leigusáttmála. Spyr nærri á “Pladsanvisningskontoret” í kommununi, tú flytur til.
Kostnaður
Ymiskt er frá kommunu til kommunu, hvat stovnsplássini kosta. Um tað eru fleiri børn skal fullur prísur rindast fyri dýrasta plássi, hini systkini gjalda 50%.
Søkjast kann um heilt ella lutvíst frípláss. Inntøkumørkini pr. 01. januar 2025 eru hesi:
| Undir 208.100 | 0 % av fulla kostnaðinum |
| 208.101 – 212.715 | 5% av fulla kostnaðinum |
| 212.716 – 646.499 | Gjaldið hækkar við 1 % fyri hvørjar 4.614 kr. inntøkan hækkar. |
| 646.500 og hægri | 100 % |
Inntøkumarkið hækkar við 7.000 kr. fyri hvørt heimabúgvandi barn undir 18 ár út yvir tað fyrsta barnið.
Inntøkumarkið hækkar við 72.822 kr. fyri stakar uppihaldarar.
Skal tú til Danmarkar at lesa í summar? ![]()
![]()
So er nógv hent kunning um flyting, SU, skat, føroyfrádrátt og annað á heimasíðuni hjá Ráðgevingini radgevingin.dk/![]()
![]()
Eisini ber til at ringja til Ráðgevingina.
Ráðgevingin luttekur á tiltakinum Pisudagur, sum Betri Banki og MFS skipa fyri á Reinsaríðinum 31. Juli.
Flyta heim![]()
![]()
Ætlar tú at flyta heim til Føroyar aftaná loknan lestur, ber til at taka dimittendsats frá A-kassanum við til Føroyar fyrstu 3 mánaðirnar. Les meira á heimasíðuni hjá Ráðgevingini her: radgevingin.dk/flyting-til-foroya/arbeidsloysistryggingals/