Sambært Værnepligtsloven § 1, stk. 3 kunnu føroyingar søkja um undantøku frá hernaðarskyldu.

Aftaná flyting úr Føroyum til Danmarkar fáa mannfólk eitt bræv í e-boks viðvíkjandi hernaðarskyldu. Innkalling til “Forsvarets dag”, har tað verður upplýst, at møguleiki er fyri undantøku um tú hevur búð í Føroyum í minsta lagi 10 ár. Tú skalt søkja um undantøku í seinasta lagi 4 vikur aftaná tú ert innkallaður til “Forsvarets dag”.

Tú skalt skjalprógva, at tú hevur búð í minsta lagi 10 ár í Føroyum. Tú kanst fáa bústaðaryvirlit á Vangin.fo ella kannst tú venda tær til kommununa í Føroyum, har tú búði áðrenn tú flutti til Danmarkar, og fáa útskrift av bústaðaryvirlitinum.

Nærri upplýsningar um Forsvaret eru at finna á heimasíðuni:

www.forsvaret.dk

Umsókn um frítøku fyri hernaðarskyldu í Danmark:

Leinkja til umsóknarblað

Tú skalt logga á við MitID og velja “Ansøgningskema om fritagelse for for værnepligt i Danmark (Færøerne/Grønland)”.

Tað er umráðandi at reagera tá man móttekur innkalling til “Forsvarets dag”, tí um man ikki reagerar og ikki møtir, fær man eina bót uppá kr. 1000,-.