Í Danmark hava fólk møguleika at søkja farloyvi frá arbeiðið og søkja kommununa um eina samsýning (plejevederlag) at ansa sínum nærmastu heima, ta seinastu tíðina. Treytin er, at støðan hjá tí sjúka er soleiðis, at sjúkrahúsviðgerð sambært læknaligari meting er vónleys, og at tað ikki verður mett neyðugt, at tann sjúki skal innleggjast á sjúkrahús ella á ellisheim. Tann sjúki skal eisini taka undir við at verða ansaður av sínum nærmastu í egnum heimi.  

Føroyingar, sum búgva í Danmark, hava nú møguleika fyri at fara til Føroyar at ansa sínum nærmastu, sum ynskja at doyggja heima og at søkja um at fáa samsýning sambært § 119 og § 120 í Servicelógini.

Orsøkin er ein lógarbroyting sum varð gjørd í juni mánað 2023 í ” Bekendtgørelse om ydelser efter lov i social service og barnets lov under midlertidige ophold i udlandet”. Broytingin hevur við sær, at føroyingar búsettir í Danmark fáa somu rættindi til samsýning (plejevederlag) sum danir, hóast teirra nærmastu búgva uttanfyri Danmark.

Broytingin, sum heimilar føroyingum at fara til Føroyar við samsýningini er soljóðandi:

Pasning af døende i Grønland og på Færøerne

§ 6. En person, der passer en nærtstående, der ønsker at dø i eget hjem, og hvor den døende er bosiddende i Grønland eller på Færøerne, har ret til plejevederlag efter § 119 i lov om social service og § 90, nr. 11, i barnets lov.

https://www.retsinformation.dk/eli/lta/2023/1368

Tey sum ynskja at søkja um at fáa samsýning at ansa sínum nærmastu heima, skulu fyrst søkja arbeiðagevaran hjá sær um farloyvi uttan løn. Síðan skulu tey seta seg í samband við kommunulæknan/sjúkrahúslæknan hjá tí sjúku og fáa skjalprógv fyri sjúkuni og støðuni hjá tí sjúka.

Vanligt er at søkja í tí kommununi, har tann sjúki býr, men tá tann sjúki býr uttanfyri Danmark skal søkjast í tí kommununi, har tann, sum skal ansa býr. Tí skulu fólk venda sær til kommununa, har tey búgva og senda umsókn um ”plejevederlag sbr. § 119 i Serviceloven”.  Kommunurnar fáa ikki so nógvar umsóknir av hesum slag og broytingin í kunngerðini er nýggj, tí mæla vit umsøkjarum til at viðhefta omanfyrinevndu ”Bekendtgørelse” umsóknina.

Samsýningin (plejevederlag) frá kommununi er vanliga upp til 1,5 ferðir dagpengaupphæddin, sum viðkomandi vildi fingið undir sjúku og um tey ikki uppfylla treytirnar, er upphæddin 11.609 um mánaðin.  Sí nærri í § 119 og 120 í Servicelógini https://www.retsinformation.dk/eli/lta/2018/1114