Sosialráðgevi á Sjúklingahotellinum
Sosialráðgevi frá Ráðgevingini er á Sjúklingahotellinum Tórshavn hvønn týsdag. Vit ráðgeva og vegleiða føroyskum sjúklingum og teirra avvaraðandi í sosialum viðurskiftum. Vit kunnu: Ráðgeva og vegleiða í persónligum og sosialum spurningum Upplýsa um rættindi Hjálpa við umsóknum Virka sum sambindingarlið millum teg, mynduleikar og stovnar […]
Ráðgevingin er í Føroyum
Ráðgevingin er í Føroyum og luttekur í kunningartiltøkum hjá Bank Nordik og hjá Betri Banka Vit luttaka í tiltakinum Betri Pisudagar 5. august 2021
Ráðgevingin er í Føroyum
Ráðgevingin er í Føroyum og luttekur í kunningartiltøkum hjá Bank Nordik og hjá Betri Banka. Vit luttaka í tiltakinum hjá Bank Nordik í Klaksvík 2. august og í Tórshavn 3. august 2021.
Ráðgevingin heldur summarfrí
Ráðgevingin er stongd í viku 30, frá mánadegnum 26. juli til fríggjadagin 30. juli 2021.
Persónlig viðtala
Tað ber nú aftur til, eftir avtalu at koma til persónliga viðtalu í Ráðgevingini. So ring ella send ein teldupost og avtala eina tíð. Eisini kunnu vit framvegis hittast á Teams.
Korona-koppseting
Føroyingar, ið eru fyribils staddir í Danmark, kunnu eisini verða koppsettir móti koronu. Einasta krav er, at man er í landinum í minsta lagi í 30 dagar og ikki er komin til landið við tí fyri eyga at verða koppsettur. Um føroyingar ynskja at verða […]
Ráðgevingin er stongd hósdagin 27. mai
Ráðgevingin er stongd hósdagin 27. mai vegna móttøku í samband við, at Randi Johannesen fer frá á eftirløn. Móttøkan er vegna coronatilmælum fyri innbodnum.
1. mai byrjaði Ingrid í Ráðgevingini
1.mai byrjaði Ingrid Jensen í Ráðgevingini. Hon er útbúgvin sosialráðgevi, umframt at hava masterútbúgving í sosialum arbeiði. Ingrid hevur drúgvar starvsroyndir bæði í Føroyum og í Danmark, og vit eru fegin um at fáa gagn av hennara vitan og royndum.
HernaðarskyldaAftaná flyting úr Føroyum til Danmarkar fáa allir menn og kvinnur føddar aftaná 01. juli 2007 eitt bræv viðvíkjandi hernaðarskyldu, og verða innkallaði til “Forsvarets dag”.Sambært kunngerð til “Værnepligtsloven” § 1 stk. 3 kunnu føroyingar søkja um undantøku frá hernaðarskyldu.Tú kann lesa meira og finnur leinkju til umsóknarblað á heimasíðuni hjá Ráðgevingini: radgevingin.dk/2026/09/17/hernadarskylda-6/
Lestrarstarv í Ráðgevingini fyri føroyingar í Danmark Ráðgevingin søkir eftir einum fólki við vitan og førleika innan KT og SOME.Ráðgevingin fyri føroyingar í Danmark er ein sjálvsognarstovnur, hvørs endamál er, at veita føroyingum í Danmark ráðgeving og vegleiðing í sosialum, persónligum og útbúgvingarligum viðurskiftum. Í Ráðgevingini starvast tveir sosialráðgevar.Ráðgevingin hevur skrivstovu á Norður Bryggjuni, Strandgade 91, 4., Keypmannahavn.Ráðgevingin ynskir at miðla meira vitan og kunning á sosialu miðlunum, og okkum tørvar íblástur, vitan og amboð til hesa uppgávu.Vit ynskja okkum ein lesandi, sum hevur innlit í og førleikar at skapa og brúka sosialar miðlar við fakligum innihaldi.Talan er um eitt lestrarstarv áleið 25-30 tímar um mánaðin í eitt avmarkað tíðskeið, fyribils í seks mánaðir. Løn sambært sáttmála.Hevur hetta tín áhuga er tú vælkomin at senda okkum eina umsókn til radgevingin@radgevingin.dk í seinasta lagi 25. september 2026. Hevur tú spurningar er tú vælkomin at ringja til Bjørg Svartá ella Ingrid Jensen á 33239980.Ráðgevingin fyri føroyingar í Danmark
Skal tú til Danmarkar at lesa í summar? So er nógv hent kunning um flyting, SU, skat, føroyfrádrátt og annað á heimasíðuni hjá Ráðgevingini radgevingin.dk/Eisini ber til at ringja til Ráðgevingina.
Ráðgevingin luttekur á tiltakinum Pisudagur, sum Betri Banki og MFS skipa fyri á Reinsaríðinum 31. Juli.