Í dag tók Bjørg Svartá við starvi sum sosialráðgevi hjá okkum á Ráðgevingini.

Hon er útbúgvin sosialráðgevi, og hevur harafturat diplomútbúgving í sosialum arbeiði.

Bjørg hevur drúgvar starvsroyndir sum sosialráðgevi innan bæði tað almenna og privata øki. Í 13 ár starvaðist hon hjá eini kommunu við fjølbroyttum uppgávum, tó serliga við sjúkradagpeningi. Seinastu 11 árini hevur hon starvast í eini fyritøku, som loysir arbeiðsmarknaðaruppgávur fyri kommunur, umframt at veita víttfevnandi ráðgeving og stuðul innan sosiala økið.

Vit eru ógvuliga fegin um at fáa ágóðan av hennara royndum og vitan í Ráðgevingini.