Forskotsuppgerðin fyri 2024 liggur nú í skattamappuni. Tú finnur tína forskotsuppgerð við at rita inn á skat.dk við MitID.
Kanna um upphæddirnar svara til tað tú væntar fyri 2024, og um tær ikki gera, so rætta upphæddirnar.
Um tú hevur lønarinntøku og føroyafrádrátt skulu upphæddirnar eisini kannast eftir ella skrivast inn.
Tú kanst lesa nærri á heimasíðu okkara um forskotsuppgerð og føroyafrádrátt https://radgevingin.dk/lesandi/foroyafradrattur/
HernaðarskyldaAftaná flyting úr Føroyum til Danmarkar fáa allir menn og kvinnur føddar aftaná 01. juli 2007 eitt bræv viðvíkjandi hernaðarskyldu, og verða innkallaði til “Forsvarets dag”.Sambært kunngerð til “Værnepligtsloven” § 1 stk. 3 kunnu føroyingar søkja um undantøku frá hernaðarskyldu.Tú kann lesa meira og finnur leinkju til umsóknarblað á heimasíðuni hjá Ráðgevingini: radgevingin.dk/2026/09/17/hernadarskylda-6/
Lestrarstarv í Ráðgevingini fyri føroyingar í Danmark Ráðgevingin søkir eftir einum fólki við vitan og førleika innan KT og SOME.Ráðgevingin fyri føroyingar í Danmark er ein sjálvsognarstovnur, hvørs endamál er, at veita føroyingum í Danmark ráðgeving og vegleiðing í sosialum, persónligum og útbúgvingarligum viðurskiftum. Í Ráðgevingini starvast tveir sosialráðgevar.Ráðgevingin hevur skrivstovu á Norður Bryggjuni, Strandgade 91, 4., Keypmannahavn.Ráðgevingin ynskir at miðla meira vitan og kunning á sosialu miðlunum, og okkum tørvar íblástur, vitan og amboð til hesa uppgávu.Vit ynskja okkum ein lesandi, sum hevur innlit í og førleikar at skapa og brúka sosialar miðlar við fakligum innihaldi.Talan er um eitt lestrarstarv áleið 25-30 tímar um mánaðin í eitt avmarkað tíðskeið, fyribils í seks mánaðir. Løn sambært sáttmála.Hevur hetta tín áhuga er tú vælkomin at senda okkum eina umsókn til radgevingin@radgevingin.dk í seinasta lagi 25. september 2026. Hevur tú spurningar er tú vælkomin at ringja til Bjørg Svartá ella Ingrid Jensen á 33239980.Ráðgevingin fyri føroyingar í Danmark
Skal tú til Danmarkar at lesa í summar? So er nógv hent kunning um flyting, SU, skat, føroyfrádrátt og annað á heimasíðuni hjá Ráðgevingini radgevingin.dk/Eisini ber til at ringja til Ráðgevingina.
Ráðgevingin luttekur á tiltakinum Pisudagur, sum Betri Banki og MFS skipa fyri á Reinsaríðinum 31. Juli.